မြောက်ဦးမြို့နယ်ရဲဖျားရွာမှ အရပ်ဆေးဆရာတစ်ဦးကို စစ်တပ်က ဖမ်းခေါ်သွား

နိရဉ္စရာ၊ ဧပြီ ၉ / ၂၀၁၉

ရခိုင်ပြည်နယ်၊ မြောက်ဦးမြို့နယ်၊ ရဲဖျားကျေးရွာမှ အရပ်ဆေးဆရာ တစ်ဦးအား စစ်တပ်မှ ဖမ်းဆီးခေါ်ဆောင်သွားသည်ဟု သတင်းရရှိသည်။

ဖမ်းဆီးခေါ်ဆောင်ခံရသူ ဆေးဆရာမှာ ဦးလှသိန်း (၄၁) ဖြစ်ကြောင်း သိရသည်။

ရဲဖျားကျေးရွာ အုပ်ချုပ်ရေးမှူးသို့ဆက်သွယ်ရာ သူက “ ဒီနေ့ မနက် ၅ နာရီလောက်က စစ်သားတွေ ရွာကို ၀ိုင်းပါတယ်။ တပ်မ ၅၅ကပါ။ အင်အား တစ်ရာကျော်လောက် ပါမယ်ထင်ပါတယ်။ ပထမ ရွာသား လေးဆယ်ငါးဆယ်လောက်ကို ဖမ်းပါတယ်။ မှတ်ပုံတင်တွေ စစ်ပါတယ်။ စစ်ဆေးမှုတွေ ပြုလုပ်ပြီးနောက် ပြန်လွတ်ပါတယ်။ ရွာမှာဆေးကုနေတဲ့ ဦးလှသိန်းဆိုတဲ့ ဆေးဆရာတစ်ဦးကိုတော့ ဖမ်းဆီး ခေါ်ဆောင်သွားပါတယ်” ဟု ပြောကြားသည်။

စစ်တပ်က ရွာကို ၀ိုင်းပြီး ရှာဖွေခြင်းမှာ ရက္ခိုင့်တပ်မတော် AA မှ ဒဏ်ရာရနေသည့် တပ်ဖွဲ့ဝင်များ ရဲဖျားရွာတွင် ဆေးကုသနေကြောင်း သတင်းရ၍ ရွာတွင် လာရှာခြင်း ဖြစ်ကြောင်းသိရသည်ဟုဆိုသည်။

ရွာ လူကြီး တစ်ဦးက “ ကျွန်တော်တို့ရွာ အေအေကလူတွေ ဆေးကုသနေတယ်ဆိုပြီး သတင်းအရ လာရှာတာပါ။ ကျွန်တော်တို့ရွာ ခုလိုမျိုး ဆေးကုလို့ မရှိပါဘူး။ သူတို့က နေဗီနဲ့လာပါတယ်။ နေဗီကို မြစ်ထဲမှာ ရပ်ပြီး စစ်သားတွေက ကုန်းပေါ်ကနေ ရွာကို လာဝိုင်းတာပါ။ အခု ညနေ ၄ နာရီမှာတော့ ရွာကနေ ပြန်ထွက်သွားပါပြီ” ဟု ပြောကြားသည်။

ဆေးဆရာ ဦးလှသိန်းမှာ စစ်အောင်ရွာမှ ရဲဖျားရွာတွင် အိမ်ထောင်ကျနေသည်မှာ လေးငါးနှစ်ခန့်ရှိပြီ ဖြစ်ကြောင်း ၎င်း၏ ဇနီးမှာ ဒေါ်မှဲ့နီ ဖြစ်ကြောင်း သိရသည်။ ရဲဖျားရွာသည် အိမ်ခြေ ၂၀၀ ကျော်ခန့်ရှိပြီး ကုလားတန်မြစ်ဘေး အရှေ့ဘက် ကမ်းခြေတွင် တည်ရှိသည်။

ယခုနှစ်ရခိုင်ရိုးရာသင်္ကြန်တွင် ကုသိုလ်ကောင်းမှုများကိုသာ ပြုလုပ်ကြရန် စည်း/ထိန်း ရဟန်းတော်များမှ မေတ္တာရပ်ခံ

နိရဉ္စရာ၊ ဧပြီလ ၉ / ၂၀၁၉

ရခိုင်ပြည်နယ် စစ်တွေမြို့တွင် ယခုနှစ် ရခိုင်ရိုးရာသင်္ကြန်တွင် ရေလောင်းမဏ္ဍပ်များဆောက်လုပ်၍ ရေလောင်းကစားခြင်း၊ ဆောင်းဘောက်ကြီးငယ်တို့ တီး၍ မြူးတူးကခုန်ခြင်း၊ မြို့ပတ်လှည့်လည်ခြင်း သောက်စား မူးယစ်ခြင်းတို့ကို မပြုလုပ်ကြရန် စည်းကမ်းထိန်းသိမ်းရေးနှင့် ကူညီစောင့်ရှောက်ရေးရဟန်းတော်များမှ စစ်တွေမြို့ ရပ်မိ ရပ်ဖများသို့ မေတ္တာရပ်ခံ လိုက်သည်ဟု သတင်းရရှိသည်။

စည်းကမ်းထိန်းသိမ်းရေးနှင့် ကူညီစောင့်ရှောက်ရေးရဟန်းတော်များ (စစ်တွေမြို့) ဥက္ကဋ္ဌဆရာတော် ဦးဝဏ္ဍသာရက “ ဒီနှစ်က ခါတိုင်းနှစ်တွေ မတူဘူး။ ရခိုင်မှာ စစ်ပွဲတွေ ဖြစ်နေတယ်။ စစ်ပွဲတွေကြောင့် လူတွေလည်း အတိဒုက္ခရောက်နေကြရတယ်။ အခုဆိုရင် စစ်ဘေးရှောင် ၂ သောင်းကျော်လောက် ရှိနေပြီ။ ဒါကြောင့် တစ်ဘက်မှာ လူတွေ အတိ ဒုက္ခရောက်နေကြချိန်မှာ တစ်ခြားတစ်ဘက်မှာ ပျော်နေတာကလည်း သဘာဝမကျဘူး။ ဒါကြောင့် ခုလို အပျော်အပါးတွေကို မလုပ်ကြဖို့ မေတ္တာရပ်ခံရတာ ဖြစ်ပါတယ်” ဟု နိရဉ္စရာ သတင်းဌာနသို့ ယနေ့ ညနေပိုင်းက မိန့်ကြားသည်။

၂၀၁၉ခုနှစ် ဧပြီလ ၈ ရက်နေ့စွဲဖြင့် စည်းကမ်းထိန်းသိမ်းရေးနှင့် ကူညီစောင့်ရှောက်ရေးရဟန်းတော်များ (စစ်တွေမြို့)မှ မေတ္တာရပ်ခံစာတွင် ယခုအခါ ရခိုင်ပြည်နယ်၌ စစ်ပွဲများ ဖြစ်ပွားနေမှုကြောင့် နေရပ်စွန့်ခွာ စစ်ဘေးရှောင်များမှာ နှစ်သောင်းကျော်ထိ ရှိနေပြီဟု သိရကြောင်း၊ ထိုဖြစ်ရပ်နှင့် စပ်လျဉ်း၍ ရခိုင်ပြည်သူတို့ အနေဖြင့် လွန်စွာစိတ်မကောင်း ဖြစ်နေကြရပါကြောင်း၊ စစ်ဘေးရှောင် ရခိုင်ပြည်သူတို့၏ ခံစားနေကြရသော ဘ၀ဒုက္ခနှင့် အတူ ရခိုင်ပြည်သူ အားလုံးသည်လည်း ခံစားနေကြရသည့် အတွက် ယခုနှစ်သင်္ကြန်ပွဲတော်တွင် ရေလောင်းမဏ္ဍပ်များဆောက်လုပ်၍ ရေလောင်းခြင်း၊ ဆောင်းဘောက်ကြီးငယ်တို့ တီး၍ မြူးတူးကခုန်ခြင်း၊ မြို့ပတ်လှည့်လည်ခြင်း သောက်စား မူးယစ်ခြင်းတို့ကို မပြုလုပ်ကြရန် ပါရှိသည်။

ယခုနှစ်ရခိုင်ရိုးရာသင်္ကြန်တွင် ရခိုင်လူမျိုးတို့၏ ရှေးထုံးစဉ်အလာအရ ဘုရားရေသပ္ပါယ်ခြင်း၊ ဥပုသ်သီလ ဆောက်တည်ခြင်း စသောကုသိုလ်ကောင်းမှု တို့ကိုသာ ပြုလုပ်ကြရန် ဆရာတော်များက မေတ္တာရပ်ခံထားသည်။

“ ဆရာတော်တို့က တော့ စစ်တွေမြို့မိ မြို့ဖတွေကို မေတ္တာရပ်ခံထားတာပါ။ ဒါကို တစ်ခြား ရခိုင်ပြည်နယ်အနှံ့မှာ လိုက်နာကြရင်လည်း ပိုကောင်းပါတယ်။ အမျိုးသားရေးကို ရှေ့ရှုပြီးတော့ လူတွေ ဒုက္ခရောက်နေကြတဲ့ အချိန်မှာ ကုသိုလ်ကောင်းမှုဆောက်တည်တာက အကောင်းဆုံးမို့ အားလုံးလိုက်နာ ဆောင်ရွက်ကြရင် ပိုကောင်းပါတယ်” ဟု ဥက္ကဋ္ဌဆရာတော် ဦးဝဏ္ဍသာရက မိန့်ကြားသည်။

(ဓာတ်ပုံ- လွန်ခဲ့တဲ့နှစ်က စစ်တွေသင်္ကြန်)

ဘူးသီးတောင် ပြင်ရှည်ကျေးရွာ၌ အမျိုးသမီး ၁ဦးအား စစ်သည် ၁ ဦးက ကာယိနြေ္ဒ ပျက်ပြားအောင် ကျူးလွန်မှုနှင့်ပတ်သက်၍ စုံစမ်းစစ်ဆေးလျက်ရှိဟု သတင်းထုတ်ပြန်

နိရဉ္စရာ၊ ဧပြီ – ၉ / ၂၀၁၉

ရခိုင်ပြည်နယ်၊ ဘူးသီးတောင်မြို့နယ်၊ ပြင်ရှည်ကျေးရွာ၌ ဧပြီ ၇ ရက် မွန်းလွဲပိုင်း တွင် တပ်မတော်သား စစ်သည် ၁ ဦးက အမျိုးသမီး ၁ ဦးအား ကာယိနြေ္ဒပျက်ပြားအောင် ကျူးလွန်ခဲ့သည့်ဖြစ်စဉ်နှင့်ပတ်သက်၍ စုံစမ်းစစ် ဆေးလျက်ရှိကြောင်း တပ်မတော်ကာကွယ်ရေး ဦးစီးချုပ်ရုံးမှ သတင်းထုတ်ပြန်သည်။

၎င်းသတင်းတွင် ပြင်ရှည်ကျေးရွာအနီး ကြက်ဟင်းခါးခြံ၌ ဒေါ်ခိုင်စောရီ(၄၀နှစ်) သည် သားဖြစ်သူနှင့်အတူ စိုက်ပျိုးရေးလုပ်ငန်းများဆောင်ရွက်နေစဉ် ဧပြီ ၇ ရက် မွန်းလွဲ ၁ နာရီခန့်တွင် အဆိုပါကျေးရွာရှိ နယ်မြေခံတပ်မှ တပ်သားစိုင်းစိုးမြင့် ဆိုသူရောက်ရှိလာပြီး ကာယိနြေ္ဒပျက်ပြားအောင် ကိုယ်ထိ လက်ရောက် ပြုလုပ်ခဲ့သဖြင့် သားဖြစ်သူမှ သွားရောက် အကူအညီတောင်းခံခဲ့ရာ ရွာသားများက စစ်သည်အား ၀ိုင်းဝန်းဖမ်းဆီးချုပ်နှောင်၍ သက်ဆိုင်ရာသို့အကြောင်းကြားအပ်နှံခဲ့ကြောင်း သိရှိရသည်။

ယင်းဖြစ်စဉ်နှင့်ပတ်သက်၍ ဖြစ်စဉ်မှန်ပေါ်ပေါက်စေရေး အတွက် စစ်သည်အား လုပ်ထုံးလုပ်နည်းများနှင့် အညီ စစ်ဘက်အချုပ်၌ထားရှိကာ တာဝန်ရှိသူများဖြင့် စုံစမ်း စစ်ဆေးရေးခုံရုံးဖွဲ့စည်း စစ်ဆေး ဆောင်ရွက်လျက်ရှိပြီး စစ်ဆေးတွေ့ရှိချက်နှင့် အရေးယူ ဆောင်ရွက်ချက်များအား သတင်း ဆက်လက်ထုတ်ပြန်သွားမည်ဖြစ်ကြောင်း သတင်းတွင် ဖော်ပြထားသည်။

ကျောက်တော်မြို့ လမ်းမတော်မှ သုံးဘီးမောင်းသူတစ်ဦး ပျောက်ဆုံးနေ

သိန်းဇော်(မောင်တော)
နိရဉ္စရာ၊ ဧပြီ ၈/ ၂၀၁၉

ရခိုင်ပြည်နယ်၊ ကျောက်တော်မြို့နယ်၊ လမ်းမတော်ကျေးရွာမှ သုံးဘီးမောင်းသူ ဦးလှိုင်ထွန်း (၄၄)နှစ်သည် ဧပြီလ ၁ ရက်နေ့မှ အဆက်အသွယ်မရဘဲ ပျောက်ဆုံးနေကြောင်း မိသားစုဝင်များက ပြောကြားသည်။

ဧပြီ လ ၁ ရက်နေ့ နေ့လယ် ၁ နာရီခန့်လောက် အချိန်က သူ၏ သုံးဘီးဆိုင်ကယ်အား အင်ဂျင်ဝိုင်လဲရန် သရက်တပင်ကျေးရွာသို့ ထွက်သွားသည့် အချိန်မှ စပြီး သုံးဘီးနှင့်အတူ ပျောက်ဆုံးသွားခြင်းဖြစ်ကြောင်း သားဖြစ်သူ ကိုကိုလှိုင်က နိရဉ္စရာသတင်းဌာနသို့ ပြောကြားသည်။

“ အင်ဂျင်ဝိုင်လဲဖို့သွားတဲ့ ဆိုင်ကို ဆက်သွယ်တော့လည်း အဖေ မရောက်လာဘူးလို့ပြောပါတယ်။ အဲဒီနေ့က ဖုန်းဆက်ပါသေးတယ်။ အစပိုင်းမှာ ဖုန်းရိန်းပေမယ့် ဖုန်းခေါ်နေတုန်းတန်းလန်း စက်ပိတ် သွားတယ်။ အဲဒီအချိန်က စပြီး အဆက်အသွယ် မရတော့ဘူး ” ဟု သားဖြစ်သူ ကိုကိုလှိုင်ကဆိုသည်။

ဦးလှိုင်ထွန်းမှာ စစ်တပ်ထွက်ဖြစ်ပြီး ထောင်ကျပြီး ပြန်လွတ်လာသူုဖြစ်ကြောင်း၊ မိသားစုဝင်များနှင့် အေးအေးချမ်းချမ်း လုပ်ကိုင်စားသောက်နေသည်မှာ ၂ နှစ်ခန့်ရှိပြီ ဖြစ်ကြောင်း၊ ပျောက်ဆုံးသွားပြီး နောက်တစ်နေ့ (ဧပြီလ ၂ ရက်) နေ့တွင် မိသားစုဝင်များက ကျောက်တော်မြို့မ ရဲစခန်းတွင် လူပျောက် တိုင်ချက်ဖွင့်ထားကြောင်း၊ ယနေ့ထိ တစ်စုံတစ်ရာ သတင်းမကြားရသဖြင့် မိသားစုဝင်များမှာ စိုးရိမ် ပူပန်နေကြောင်း သားဖြစ်သူ ကိုကိုလှိုင်ကဆက်ပြောသည်။

“သုံးဘီးနဲ့အတူပျောက်သွားတာပါ။ သုံးဘီးက အိန္ဒိယကဝင်တဲ့ သုံးဘီးအမဲရောင်လေး ဖြစ်ပါတယ်။ အခုအချိန်ထိ ပျောက်ဆုံးနေတော့ မိသားစုတွေက အရမ်းစိတ်ပူနေပါတယ်”ဟု ကိုကိုလှိုင်ကပြောသည်။

ဖြစ်စဉ်နှင့် ပတ်သက်ပြီးပိုမို သရှိလို သဖြင့် ကျောက်တော်မြို့မရဲစခန်းသို့ ဖုန်းဖြင့် ဆက်သွယ်ရာ ဖုန်းကိုင် ဖြေဆိုခြင်းမရှိပါ။

(ဓာတ်ပုံ- ပျောက်ဆုံးနေသူ ဦးလှိုင်ထွန်း)

ဘူးသီးတောင် ပြင်ရှည်ကျေးရွာမှ အိမ်ထောင်ရှိအမျိုးသမီးတစ်ဦးကို စစ်သားတစ်ဦးမှ အတင်း အဓမ္မပြုကျင့်ရန် ကြိုးပမ်းမှုဖြစ်ပွား

သိန်းဇော်(မောင်တော)
နိရဉ္စရာ၊ဧပြီ ၈/ ၂၀၁၉

ရခိုင်ပြည်နယ်၊ ဘူးသီးတောင်မြို့နယ်၊ ပြင်ရှည်ကျေးရွာမှ အိမ်ထောင်ရှိ အမျိုးသမီးတစ်ဦးအား စစ်သား တစ်ဦးမှ အတင်းအဓမ္မပြုကျင့်ရန် ကြိုးပမ်းမှုဖြစ်ပွားခဲ့ကြောင်း သတင်းရရှိသည်။

ဖြစ်စဉ်မှာ ဘူးသီးတောင်မြို့နယ် ပြင်ရှည်ကျေးရွာမှ ဒေါ်ခိုင်စောယဉ် အသက် (၄၀) နှစ်သည် ၄င်းတို့ စိုက်ပျိုးထားသည့် သီးနှံစိုက်ခင်းထဲတွင် ရှိနေစဉ် ဧပြီလ ၇ ရက်နေ့ နေ့လယ် ၁ နာရီ အချိန်ခန့်တွင် စစ်သား တစ်ဦး ရောက်ရှိ လာပြီး ၄င်းအား အတင်းအဓမ္မပြုကျင့်ရန်ကြိုးစားခဲ့သည်ဟု ကာယကံရှင်ဖြစ်သူ ဒေါ်ခင်စောယဉ်က နိရဉ္စရာသတင်းဌာနသို့ ပြောသည်။

“ဖြစ်တာက ဧပြီ ၇ ရက် နေ့လယ် ၁ နာရီလောက်မှာဖြစ်ခဲ့တာပါ။ ကျမက အမြဲတမ်း အဲသလိုပဲ စိုက်ခင်းထဲ အလုပ် လုပ်နေကျပါ။ စိုက်ခင်းက ရွာအနောက်ဖက် ပေ ၁၀၀ ခန့်လောက်မှာ ရှိတာပါ။ ဒီနေ့ ကျမ စိုက်ခင်းထဲ ရှိနေချိန် စစ်သားတစ်ယောက်က ခြံစည်းရိုးအပေါက်ကနေဝင်လာပါတယ်။ ဝင်လာပြီးတော့ ကျမကို လုံးထွေးပြီးအတင်းအဓမ္မပြုကျင့်ဖို့ ကြိုစားတာပါ။ လုံးထွေးနေချိန် အတင်းရုန်းထွက်ပြီး ခြံစည်းရိုး အပေါက်ဝကနေ ထွက်ပြေးဖို့ကြိုးစားခဲ့ချိန်မှာ သူက ကျမကိုသူစီးထားတဲ့ ဘောလုံးကန် ဖိနပ်နဲ့ မျက်နှာကို ကန်ကျောက်ခဲ့တယ်”ဟု ၄င်းကဆိုသည်။

နောက်ပိုင်းတွင် ဒေါ်စောယဉ်၏ အကူအညီတောင်းမှုကြောင့် ၎င်းစစ်သားအား ရွာသားများမှ ၀ိုင်းဝန်း ဖမ်းဆီးပြီး ၅၆၄ တပ်ရင်းသို့ အပ်နှံလိုက်သည်ဟု သိရသည်။

“ ကျွန်မအနေနဲ့တော့ ခုလို အတင်းအဓမ္မပြုကျင့်ဖို့ ကြိုးစားခဲ့တဲ့ အမှတ် ၅၆၄ တပ်ရင်းက စစ်သားကို အတတ်နိုင်ဆုံး ထိထိရောက် အရေးယူစေချင်ပါတယ်။ ထိုက်တန်တဲ့ ပြစ်ဒဏ်တွေ ချမှတ်ပေးစေလိုပါတယ်” ဟု ဒေါ်စောယဉ်က ပြောကြားသည်။

ဘူးသီးတောင်မြို့နယ် ပြည်သူ့လွှတ်တော်ကိုယ်စားလှယ် ဦးအောင်သောင်းရွှေက ထိုဖြစ်စဉ်မှာ မှန်ကန်ပြီး ဗီဒီဖိုင် အပါအ၀င် ဓာတ်ပုံ အထောက်အထားများနှင့် သူ့ထံသို့ တိုင်ကြားထားကြောင်း ပြောကြားသည်။

“ကျနော့်ကို တိုင်ထားတာတော့ရှိတယ်။ တပ်က တစ်ယောက်က အတင်းအဓမ္မပြုကျင့်ဖို့ ကြိုးစားခဲ့တယ် ဆိုပြီး လာတိုင်ထားတာရှိပါတယ်။ နှစ်ဦးနှစ်ဘက်ကိုတော့ ခေါ်ထားပါတယ်။ တပ်ဘက်ကရော၊ ရွာသား တွေရော နှစ်ဦးနှစ်ဘက် မျက်နာချင်းဆိုင် ဒီနေ့ လာရောက် ဖြေရှင်းကြမယ်လို့ ပြောပါတယ်။ တပ်ဘက် ကလည်း မှန်ရင် အရေးယူမယ်လို့ ပြောပါတယ်။ နှစ်ဖက်ဆွေးနွေးပြီးတော့ မှန်မှန်ကန်ကန် တစ်ခု ဖြစ်အောင် ဆောင်ရွက်ဖို့ဆိုပြီး ပြောထားတာရှိပါတယ် ”ဟု ပြောဆိုသည်။

၎င်းစစ်သားအား ရွာသားများက ၀ိုင်းဝန်းဖမ်းဆီးပြီး ကာယကံရှင် အမျိုးသမီးမှ ရိုက်ပုတ်နေသည့် ဗီဒီယိုဖိုင်မှာ လူမှုကွန်ယက်စာမျက်နာပေါ်တွင် ပျံ့နှံ့နေကြောင်း သိရှိရသည်။

အဆိုပါ ကိစ္စနှင့် ပတ်သက်ပြီး ဘူးသီးတောင်မြို့နယ် အခြေစိုက် အမှတ် ၅၆၄ တပ်ရင်းသို့ ဆက်သွယ် မေးမြန်းလိုသော်လည်း ဖုန်းနံပတ် မရှိသဖြင့် မေးမြန်းတင်ပြနိုင်ခြင်း မရှိပါ။

( ဓာတ်ပု- ပြစ်မှုကျူးလွန်သူအား တပ်ရင်းသို့ အပ်ရန် ရွာသားများ ယူဆောင်လာစဉ်)

ဒေါက်တာအေးမောင်နှင့်ကိုဝေဟင်အောင်တို့ အင်းစိန်ထောင်သို့ရောက်၊ မိသားစုများနှင့် တနင်္လာနေ့တွေ့ခွင့်ရမည်

နိရဉ္စရာ၊ ဧပြီ ၇ / ၂၀၁၉

စစ်တွေထောင်မှ ပြောင်းရွှေ့လာသော ဒေါက်တာအေးမောင်နှင့် စာရေးဆရာ ဝေဟင်အောင်တို့သည် ယခုအခါ ရန်ကုန်မြို့ အင်းစိန်ထောင်သို့ ရောက်ရှိနေပြီး မနက်ဖြန် မိသားစုများနှင့် တွေ့ခွင့်ရမည်ဟု သတင်းရရှိသည်။

ဒေါက်တာအေးမောင်၏ သားဖြစ်သူ ရသေ့တောင်မြို့နယ် ပြည်နယ် လွှတ်တော်ကိုယ်စားလှယ် ဦးတင်မောင်ဝင်းက “ အခု အဖေတို့ အင်းစိန်ထောင်ကို ရောက်နေပါပြီ။ ဒီကနေ့ တနင်္ဂနွေနေ့ဆိုတော့ မနက်ဖြန် တနင်္လာနေ့မှာတော့ တွေ့ခွင့်ရမယ်လို့ ထောင်အာဏာပိုင်တွေက ပြောပါတယ်” ဟု နိရဉ္စရာသတင်းဌာနသို့ ပြောကြားသည်။

သို့သော် ဒေါက်တာအေးမောင်၏ ဇနီးဖြစ်သူမှာ ကျန်းမာရေး မကောင်းသဖြင့် လာရောက်တွေ့ဆုံနိုင်မည်မဟုတ်ဟု သူက ပြောကြားသည်။

“ အမေက ဆေးရုံဆင်းပြီး ရန်ကုန်ကနေ စစ်တွေကို ဒီလ ၄ ရက်နေ့မှ ပြန်ရောက်ပါတယ်။ ဒါကြောင့် ရန်ကုန်ကိုလာတွေ့ဖို့ ဆိုတာ မဖြစ်နိုင်တော့ပါ။ ကျွန်တော်ဘဲ သွားတွေ့မှာ ဖြစ်ပါတယ်” ဟု ဦးတင်မောင်ဝင်းက ပြောဆိုသည်။

ရသေ့တောင်တွင် စာပေဟောပြောမှုကြောင့် နိုင်ငံတော်ပုန်ကန်မှု ပုဒ်မ ၁၂၂ နှင့် နိုင်ငံတော် အကြည်ညို ပျက်စေမှု ပုဒ်မ ၅၀၅(ခ) တို့ဖြင့် မတ်လ ၁၉ ရက်နေ့က ထောင်ဒဏ် နှစ် (၂၀) ချမှတ်ခံထားရသည့် ဒေါက်တာ အေးမောင်နှင့် စာရေးဆရာ ဝေဟင်အောင်တို့ကို ဧပြီလ ၆ ရက်နေ့ ညနေပိုင်းက စစ်တွေထောင်မှ ရန်ကုန်မြို့ အင်းစိန်ထောင်သို့ လေယာဉ်ဖြင့် ယူဆောင်လာခဲ့သည်။

သူတို့ နှစ်ဦးအား အင်းစိန်ထောင်တွင် ထားမည်လား (သို့မဟုတ်) တစ်ခြားထောင်တစ်ခုခုသို့ ဆက်လက် ပြောင်းရွှေ့မလားဆိုသည်ကို မသိရှိရသေးကြောင်း ၎င်းက ပြောကြားသည်။

စစ်ဘေးရှောင် အလှူငွေကောက်ခံမှုအား ဟန့်တားခြင်းအပေါ် စစ်တွေမြို့နယ် လူမှုအဖွဲ့အစည်းများကိုယ်စားပြု ကော်မတီမှ ပြင်းထန်စွာရှုတ်ချ

နိရဉ္စရာ၊ ဧပြီ ၇/ ၂၀၁၉

စစ်ဘေးရှောင်ပြည်သူများ အတွက် လူမှုအဖွဲ့အစည်းများမှ အလှူငွေကောက်ခံမှုအပေါ် ရဲတပ်ဖွဲ့မှ ဟန့်တားခြင်း အပေါ် ပြင်းထန်စွာရှုတ်ချကြောင်း စစ်တွေမြို့နယ် လူမှုအဖွဲ့အစည်းများကိုယ်စားပြု ကော်မတီမှ ကြေညာချက် တစ်စောင်ကို ဧပြီလ ၆ ရက်နေ့စွဲဖြင့် ထုတ်ပြန်သည်။

ကြေညာချက်ထဲတွင် ယခုအခါ မြန်မာ့တပ်မတော်နှင့် AA ရက္ခိုင့်တပ်မတော် ဖြစ်ပွားနေသော စစ်ရေး ပဋိပက္ခကြောင့် နေရပ်စွန့်ခွာ စစ်ဘေးတိမ်းရှောင်သူပေါင်း နှစ်သောင်းကျော်အထိ ရှိလာနေပြီ ဖြစ်ကြောင်း၊ 
ထိုစစ်ဘေးရှောင်များအား လူမှုအဖွဲ့အစည်းများက မိမိတို့တတ်နိုင်သလောက် ကူညီထောက်ပံ့ နေကြရပါကြောင်း၊ အလှူပစ္စည်း၊ အလှူငွေများကိုလည်း နည်းမျိုးစုံဖြင့် ကောက်ခံနေကြရပါကြောင်း၊ ထိသို့ ကောက်ခံနေရာတွင် ၆-၄-၂၀၁၉ နေ့တွင် စစ်တွေမြို့ဈေးကြီး၌ မျိုးဆက်ရင်သွီးပရဟိတ လူငယ်များ အဖွဲ့က စစ်ဘေးရှောင် ဒုက္ခသည်များအတွက် အလှူခံနေစဉ် ရဲတပ်ဖွဲ့မှ လာရောက် တားဆီးခဲ့သည်ဟု သိရှိရပါကြောင်း၊ ရဲတပ်ဖွဲ့၏ အထက်ပါ လုပ်ရပ်သည် ဗုဒ္ဓဘာသာ ဓလေ့ထုံးစံနှင့် ညီညွတ်မှု မရှိသကဲ့သို့ “ မတရားတားဆီးကန့်ကွက်မှု” ၊ “ ရာဇ၀တ် မကင်းသော အနိုင်အထက်ပြုမှု” များနှင့်လည်း ငြိစွန်းနေပါသဖြင့် ရဲတပ်ဖွဲ့သို့ ထိုသို့တရားမ၀င်သော လုပ်ရပ်ကို ပြင်းထန်စွာ ရှုတ်ချ ပါကြောင်း ကြေညာချက်ထဲတွင် ဖော်ပြထားသည်။

အဆိုပါ ကြေညာချက် ထုတ်ပြန်ခြင်းနှင့် ပတ်သက်ပြီး စစ်တွေမြို့နယ် လူမှုအဖွဲ့အစည်းများကိုယ်စားပြု ကော်မတီမှ တာဝန်ရှိသူ တစ်ဦးဖြစ်သည့် ဆရာဦးသန်းထွန်းက “ဗုဒ္ဓဘာသာထုံးစံအရ အလှူလုပ်ဖို့ အလှူကောက်တာကို လာတားတယ်ဆိုကတည်းက သဘာဝမကျတော့ဘူး။ နောက်တစ်ချက်က အစိုးရက ဌာနဆိုင်ရာတွေကို နံပတ်တစ် ထုတ်တာရှိတယ်။ သို့သော် သူ ဌာနဆိုင်ရာထဲမှာ ဌာနတွင်းမှာ မကောက်ရဘူးလို့ ညွှန်ကြားချက်ထုတ်တာ ဖြစ်ပါတယ်။ သာမန်လူထု Public area ထဲမှာ အမှန်တကယ် ဒုက္ခရောက်နေတဲ့ လူတွေ အတွက် အလှူငွေကောက်ခံတဲ့ကိစ္စကို လာပြီး တားတယ်ဆိုကတည်းက သဘာဝလည်း မကျ၊ ဥပဒေကြောင်းအရလည်း မှန်ကန်မှု မရှိဘူးလို့ လူတွေ သုံးသပ်ကြတယ်။ အဲသလိုဘဲ မြင်ကြတယ်။ ဒီအတွက် ဒါက မဖြစ်သင့်ဆိုပြီး ကြေညာချက် ထုတ်တာဖြစ်ပါတယ်” ဟု ပြောကြားသည်။

၆-၄-၂၀၁၉ နေ့တွင် စစ်တွေမြို့ဈေးကြီး၌ မျိုးဆက်ရင်သွီးပရဟိတ လူငယ်များအဖွဲ့က စစ်ဘေးရှောင် ဒုက္ခသည်များအတွက် အလှူခံနေစဉ် ရဲတပ်ဖွဲ့မှ လာရောက်တားဆီးခဲ့ခြင်းသည် ရခိုင်ပြည်နယ်တွင် ပထမဆုံး အကြိမ် ဖြစ်ကြောင်း သိရသည်။

၎င်းပြင် ဆရာ ဦးသန်းထွန်းက “ စစ်ဘေးရှောင် ဦးရေက ၂၅၀၀၀ ကျော်လာပြီ။ ရက်ပေါင်း ၁၀၀ ကျော်လာပြီ။ ဒီအတွင်းမှာ အလှူရှင်တွေ၊ ရခိုင်လူမှုအဖွဲ့အစည်း ပုဂ္ဂလိ လှူဒါန်းမှုတွေနဲ့ စားသောက်နေရတာ ဖြစ်တယ်။ အစိုးရ ကူညီတာ မရှိဘူးလား။ မရှိလို့ ပြောရင်လည်း တရားလွန်ရာကျမယ်။ ရှိတာတော့ ရှိတယ်။ လူကယ်ပြန်က ကူညီထောက်ပံ့တာ ယူအန်၊ အိုင်အန်ဂျီိအို ထောက်ပံ့တာ တစ်ချို့တော့ ရှိတာပေါ့။ ဒါပေမယ့် ဒီ အကူအညီတွေက အခုကာလအတွင်းမှ ပုဂ္ဂလိက အလှူရှင်တွေရဲ့ လှူဒါန်းငွေစာရင် အနည်းငယ်ပါဘဲ။ လုံလောက်မှု မရှိပေါ့။ လုံလောက်မှု မရှိတဲ့ အတွက်ကြောင့် ကိုယ့်လူမျိုးအချင်းချင်း၊ လူသားအချင်းချင်း စာနာမှုနဲ့ အလှူပေးကြတဲ့ကိစ္စတစ်ခုကို တားတယ်ဆိုတာ လူသားမဆံဘူးလို့ ပြောချင်ပါတယ်” ဟု ပြောကြားသည်။

အဆိုပါ အလှူငွေ ကောက်ခံသည့် အဖွဲ့များကို တားမြစ်ခြင်း ကိစ္စနှင့် ပတ်သက်ပြီး ရခိုင်ပြည်နယ် အစိုးရ အဖွဲ့ သို့ နိရဉ္စရာသတင်းဌာနမှ ဆက်သွယ်ရာ ပြည်နယ်အစိုးရ ပြောခွင့်ရသူ စည်ပင်ဝန်ကြီး ဦးဝင်းမြင့်က “ ဒီလိုတော့ အလှူငွေ ကောက်ခံတာကို တားမြစ်ဖို့ ညွှန်ကြားချက်တော့ မရှိပါဘူး။ ဒါပေမယ့် ပြည်နယ် အစိုးရအဖွဲ့မှာ ဆွေးနွေးတုန်းကတော့ ဒီလို အလှူငွေတွေ ကောက်ခံတဲ့အခါ တစ်ဘက် အဖွဲ့အစည်းကို ရောက်မသွားဖို့ သက်ဆိုင်ရာ အုပ်ချုပ်ရေးအဖွဲ့တွေနဲ့ ညှိနိုင်းဆောင်ရွက်ကြဖို့ အဲသလိုမျိုးတော့ ပြောဆိုတာမျိုးတော့ ရှိပါတယ် ခင်ဗျား”ဟု ပြောကြားသည်။

ရခိုင်ပြည်နယ် အတွင်း လက်ရှိ အချိန်တွင် စစ်ဘေးရှောင်ပြည်သူ ၂၆၀၀၀ ကျော်ရှိနေပြီး ၎င်းတို့၏ စားဝတ်နေရေးကို ရဟန်းတော်အဖွဲ့အစည်းများ၊ ပြည်နယ်/ မြို့နယ်/ ရပ်ကွက်/ ကျေးရွာအဆင့် လူမှုအဖွဲ့အစည်းများ၊ ပုဂ္ဂလိက အလှူရှင်များက အဓိက ပံ့ပိုး ကူညီထောက်ပံ့လျက် ရှိကြောင်း သိရသည်။

မင်းပြားမြို့နယ် ဒိုင်းသားရွာအနီးတွင် တိုက်ပွဲ ၂ ကြိမ် ဖြစ်

နိရဉ္စရာ၊ ဧပြီ ၆/ ၂၀၁၉

ရခိုင်ပြည်နယ်၊ မင်းပြားမြို့နယ်၊ ဒိုင်းသားကျေးရွာအနီးရှိ သပေါ့စာကျော်လမ်းနှင့် ဆင်ထိန်းကြီးတွင် မြန်မာ့အစိုးရတပ်မတော်နှင့် ရက္ခိုင့်တပ်မတော် (AA) တို့အကြား ယနေ့ နံနက်က တစ်ကြိမ်၊ မွန်းလွဲပိုင်းက တစ်ကြိမ်၊ တိုက်ပွဲ (၂) ကြိမ် ပြင်းပြင်းထန်ထန် ဖြစ်ပွားခဲ့သည်ဟု ဒေသခံများက ပြောကြားသည်။

တိုက်ပွဲမှာ နံနက် ၈ နာရီက ၉ နာရီထိ တစ်ကြိမ်၊ မွန်းလွဲ ၁ နာရီမှ ၂ နာရီကျော်ထိ တစ်ကြိမ်၊ နှစ်ကြိမ် ဖြစ်ပွားခဲ့ပြီး လက်နက်ငယ်နှင့် စက်သေနတ်ပစ်သံများကို ကြားခဲ့ရသည်ဟု တိုက်ပွဲ ဖြစ်ပွားသည့် နေရာမှ တစ်မိုင်ခန့်အကွာတွင် ဆောင်းသီးနှံစိုက်ပျိုးနေသူ တောင်သူ တစ်ဦးက ပြောသည်။

“ တိုက်ပွဲဖြစ်တာက သပေါ့စာကျော်လမ်းနှင့် ဆင်ထိန်းကြီးမှ နေရာ ၂ ခုမှာ မနက်က ဖြစ်တယ်။ မွန်းလွဲပိုင်းမှာလည်း အဲဒီနေရာ ၂ ခုကဘဲ ပစ်ခတ်သံတွေကို ထပ်ကြားရပါတယ်။ ဒီနေ့ဖြစ်တဲ့ တိုက်ပွဲက ပြင်းပါတယ်။ အချိန်လည်း ခါတိုင်းနေ့တွေထက် ပိုကြာပါတယ်” ဟု ၎င်းက ပြောဆိုသည်။

တိုက်ပွဲ ဖြစ်ပွားခဲ့သည့် နေရာများမှာ လူမနေသည့် တောအရပ်များ ဖြစ်ကြောင်း၊ ပန်းမြောင်းကျေးရွာနှင့် နီးကြောင်း၊ သို့သော် ယနေ့ တိုက်ပွဲဖြစ်ပွားသောနေရာမှာ ချင်းတိုင်းရင်းသားများနေထိုင်ရာ ဒိုင်းသားကျေးရွာနှင့် ပိုနီးကြောင်း၊ ဒိုင်းသားကျေးရွာမှာ အိမ်ခြေ (၇၀) ခန့် ရှိကြောင်း ၎င်းက ပြောကြားသည်။

၎င်းတိုက်ပွဲဖြစ်ပွားရာ အနီးရှိ သပေ့ါစာတွင် ယခင်က တောတက်လုပ်ကိုင်စားသောက်နေသူမိသားစု ၂၀ ခန့်၏ တဲများရှိပြီး တိုက်ပွဲများ အဆက်မပြတ် ဖြစ်ပွားနေသဖြင့် ရွာပြိုပြီး ရွာသားများမှာ ထွက်ပြေးသွားကြပြီဟု သိရသည်။

ယနေ့တိုက်ပွဲ ဖြစ်ပွားရာ အနီးရှိ မင်းပြားမြို့နယ် ပြင်ယောင်းကျေးရွာ အုပ်ချုပ်ရေးမှူး ဦးဝေလှအောင်သို့ ဆက်သွယ်ရာ ယနေ့တိုက်ပွဲ ဖြစ်ပွားခြင်းကို အတည်ပြုပြီး သေနတ်သံများကို ကြားရကြောင်း ၊ တိုက်ပွဲ ဖြစ်ပွားရာ နေရာမှာ သူတို့ရွာမှ (၅) မိုင်ခန့်အကွာတွင် တည်ရှိသဖြင့် အသေးစိတ် မပြောနိုင်ကြောင်း ပြောဆိုသည်။

ဒေါက်တာအေးမောင်နှင့် ကိုဝေဟင်အောင်တို့ အမည်မသိနေရာသို့ ခေါ်ဆောင်သွား

နိရဉ္စရာ၊ ဧပြီ ၆ / ၂၀၁၉

ထောင်နှစ် (၂၀) ချမှတ်ခံထားရသည့် ဒေါက်တာ အေးမောင်နှင့် စာရေးဆရာ ဝေဟင်အောင်တို့ကို ယနေ့ ညနေက စစ်တွေထောင်မှ လေယာဉ်ဖြင့် အမည်မသိနေရာသို့ ယူဆောင်သွားကြောင်း မိသားစုများက ပြောကြားသည်။

ဒေါက်တာအေးမောင်၏ သားဖြစ်သူ ရသေ့တောင်မြို့နယ် ပြည်နယ် လွှတ်တော်ကိုယ်စားလှယ် ဦးတင်မောင်ဝင်းအား နိရဉ္စရာသတင်းဌာနမှ ဆက်သွယ်မေးမြန်းရာ စစ်တွေထောင်မှ ထုတ်ယူသွားခြင်းကို အတည်ပြု ပြောကြားသည်။

“ ကျွန်တော်တို့ မိသားစုကိုလည်း ဘာမှ အကြောင်းမကြားဘူး သူတို့က။ ကျွန်တော်တို့ သိရတာက နောက်မှ ၇ နာရီလောက်မှ ထုတ်တော့မယ်လို့ အတွင်းစကားအရ သိရတာပေါ့။ ကြားရတာ စစ်တွေ လေဆိပ်မှာ ည ၆ နာရီ တပ်မတော်ပိုင် လေယာဉ်လို့ ကြားပါတယ်။ တစ်စီးရောက်နေတယ်လို့။ ကျွန်တော်က စစ်တွေမှာ မရှိဘူး။ ရန်ကုန်ရောက်နေတော့ တိတိကျကျတော့ မသိဘူး။ အဲဒီလေယာဉ်နဲ့ ဘဲ ည ၇ နာရီ လောက်မှာ ယူသွားတယ်လို့ ကြားရပါတယ်။ ဘယ်ကို ယူသွားတယ် ဆိုတာလည်း အခုအချိန်ထိ သတင်းမရသေးပါဘူး”ဟု ဦးတင်မောင်ဝင်းက ပြောကြားသည်။

ဦးတင်မောင်ဝင်းမှာ လေယာဉ်ဖြင့် ယူသွားသဖြင့် ရန်ကုန်လေဆိပ်မှ စောင့်နေခဲ့ရာ ည ၉ နာရီ ထိ ထူးခြားမှု မရှိသဖြင့် တည်းခိုနေရာသို့ ပြန်လာပြီဟု ပြောဆိုသည်။

“ တကယ် အကျဉ်းသားတစ်ယောက်ရဲ့ခံစားပိုင်ခွင့်အရ ဆိုရင် သူ့မိသားစုနဲ့ အနီးဆုံးနေရာမှာ ထားပေးရမယ်ဆိုတာကို ကျွန်တော်နားလည်တယ်။ အခုဟာက မိသားစုနဲ့ အနီးဆုံးမဟုတ်ဘဲ အဝေးဆုံး ဘယ်နေရာကို ပို့တယ်ဆိုတာ မသိရတဲ့ အတွက် စိုးရိမ်တာက ပြောစရာ မလိုဘူးပေါ့ဗျာ” ဟု ၎င်းက ပြောဆိုသည်။

ထိုသို့ ခေါ်ဆောင်သွားရာတွင် မိသားစုများသို့လည်း တစ်စုံတစ်ရာ အကြောင်းကြားခြင်း မရှိကြောင်း သိရသည်။

ဒေါက်တာအေးမောင်နှင့် ဆရာဝေဟင်အောင်တို့ စစ်တွေထောင်မှ ယူဆောင်သွားခြင်းနှင့် ပတ်သက်ပြီး အတည်ပြုချက် ရယူနိုင်ရန် စစ်တွေထောင်သို့ ယနေ့ ညဥ့် ၉ နာရီ မိနစ် ၅၀ က ဆက်သွယ်ရာ တာဝန်ရှိသူ တစ်ဦးက ဖုန်းလက်ခံသော်လည်း ပြောဆိုရန် ငြင်းဆိုသည်။

ထောင်အရာရှိက “ အဲဒါတော့ ကျွန်တော်တို့ မပြောတတ်ပါဘူးခင်ဗျား။ ဆိုင်ရာ ဆိုင်ရာကိုဘဲ မေးပါခင်ဗျား။ ကျွန်တော်တို့လည်း တော်ကြာလောက်မှဘဲ ရောက်တာ။ မပြောတတ်ပါဘူးခင်ဗျား” ဟု ပြောဆိုကာဖုန်းချသွားခဲ့သည်။

ရခိုင်ပြည်ကွန်မြူနစ်ပါတီခေါင်းဆောင်ဟောင်း ဦးသိန်းဖေကွယ်လွန်

သိန်းဇော်(မောင်တော)
နိရဉ္စရာ၊ ဧပြီ ၆/ ၂၀၁၉

ရခိုင်ပြည်ကွန်မြူနစ်ပါတီခေါင်းဆောင်ဟောင်း ဦးသိန်းဖေ(ခ) ဦးသိန်းဆွေသည် စစ်တွေမြို့ ရဲကျော်သူ ကျောင်းရှေ့ရှိ သူ့ နေအိမ်တွင် ဧပြီလ ၆ ရက် နံနက် ၄ နာရီအာရုံတက်ချိန်တွင် ကွယ်လွန်သွားကြောင်း သတင်းရရှိသည်။

ဦးသိန်းဖေ ကွယ်လွန်ချိန်တွင် အသက် ၈၆ နှစ်ရှိပြီ ဖြစ်ကြောင်း၊ နှလုံးသွေးကြောပိတ်ရောဂါဖြင့် ကွယ်လွန်သွားခြင်းဖြစ်ကြောင်း ၀ါရင့် ရခိုင်ငံရေးသမား ဦးခိုင်စိုးက နိရဉ္စရာသတင်းဌာနသို့ပြောသည်။

“ ဆရာကြီး ဦးသိန်းဖေက နှလုံးသွေးကြောပိတ်ပြီး ဆုံးသွားတာ ဖြစ်ပါတယ်။ နှလုံးသွေးကြောပိတ် ဝေဒနာ ခံစားနေရတာ ၈ နှစ် နီးပါးရှိနေပြီ ဖြစ်ပါတယ်။ သက်ရှိထင်ရှာရှိစဉ်က သူက တော်လှန်ရေးဘဲ လုပ်ခဲ့တယ်။ ဘယ်လိုဘဲ ဖြစ်ဖြစ် အမျိုးသားအတွက် တော်လှန်ရေး လုပ်ရင်း ပေးဆပ်သွားခဲ့တဲ့ အတွက် သူရဲ့ လုပ်ဆောင်ချက်တွေ အပေါ် လေးစားဂုဏ်မိပါတယ်။ ဆရာကြီး ကွယ်လွန်သွားတဲ့ အတွက် ကျန်ရစ်သူ မိသားစုဝင် ဆွေမျိုးသားချင်းတွေ၊ လုပ်ဖော်ကိုင်ဖက်တွေနဲ့ ထပ်တူ ဝမ်းနည်းပါတယ်” ဟု ဦးခိုင်စိုးက ပြောကြားသည်။

ဆရာကြီဦးသိန်းဖေ(ခ)ဦးသိန်းဆွေအား ဧပြီလ ၇ ရက်နေ့လယ် ၂ နာရီတွင် စစ်တွေမြို့သုဿန်တွင် သင်္ဂြိုလ်သွားမည်ဖြစ်ကြောင်းသိရသည်။

ဦးသိန်းဖေသည် ရဲအရာရှိဟောင်း ဦးဖိုးခင်၏သား ဖြစ်ပြီး မာန်အောင်ဇာတိဖြစ်ကြောင်း သိရသည်။

၁၉၆၂ ခု နှစ် မတ်လ ၂ ရက်နေ့ တော်လှန်ရေးကောင်စီ အာဏာသိမ်းကြောင်း၊ ၁၉၆၃ ခုနှစ် ဇူလိုင်လ ၁၇ ရက်နေ့ ရခိုင်ပြည်ကွန်မြူနစ်ပါတီကို အလံနီ ပါတီမှ ခွဲပြီး တည်ထောင်ခဲ့ကတည်းက ပါဝင်လာခဲ့သူ ဖြစ်ကြောင်း၊ ၁၉၈၈ ခုနှစ်ပိုင်း ရခိုင်တော်လှန်ရေး လက်နက်ကိုင် အဖွဲ့များ ဖြစ်သည့် NUFA၊ NUPA တို့တွင် ပါဝင်ခဲ့ပြီး နောက်ပိုင်းတွင် DPA ကို တည်ထောင်ကာ ၎င်းပါတီတွင် ဥက္ကဋ္ဌ အဖြစ် တာဝန်ယူခဲ့သည်ဟု သိရသည်။