လက်ရှိ ဖြစ်ပွားနေသောတိုက်ပွဲအနီးရှိ ချောင်းတူရွာမှ အုပ်ချုပ်ရေးမှူးနှင့် ဆက်သွယ်မေးမြန်းခြင်း

နိရဉ္စရာ၊ ဇန်န၀ါရီ ၁၀

ယနေ့ ညနေပိုင်းထိ ကျောက်တော်မြို့နယ် ချောင်းတူရွာအနီး မြန်မာ တပ်မတော်နှင့် ရက္ခိုင့်တပ်မတော် (AA) တို့အကြား တိုက်ပွဲဖြစ်ပွားနေပါတယ်။ ၎င်းကျေးရွာရဲ့ အုပ်ချုပ်ရေးမှူး ဦးကျော်သောင်းကို ဖုန်းဖြင့် ဆက်သွယ်မေးမြန်းပြီး တိုက်ပွဲ အခြေအနေကို တင်ပြပေးလိုက်ပါတယ်။

မေး-တိုက်ပွဲ ဖြစ်ပွားနေတာဘယ်နားမှာလဲ။
ဖြေ- သိပ်တော့ မဝေးဘူး။ ရွာနဲ့ဆိုတော့ တစ်မိုင်ကျော်ကျော်လောက်ရှိမယ်။ တောင်ပေါ်ဆိုတော့ သိပ်ခန့်မှန်းလို့မရဘူး။ နီးနီးလေးဘဲ။

မေး- တိုက်ပွဲက ဘယ်အချိန်က စဖြစ်တာပါလဲ။
ဖြေ- တိုက်ပွဲက မွန်းလွဲ၂ နာရီလောက်က ဖြစ်တာပါ။

မေး- အခုအချိန်ထိ ဖြစ်နေလား။
ဖြေ- အခုအချိန်ထိ ဖြစ်နေပါတယ်။ အခု ညနေ ၄ နာရီခွဲပါပြီ။ အခုအချိန်ထိ ဖြစ်နေပါတယ်။

မေး- သေနတ်သံတွေ ဘယ်လိုကြားရပါသလဲ။
ဖြေ- လက်နက်ကြီးလည်း ပစ်တယ်။ လက်နက်လည်း ပစ်တယ်။ အပြန်အလှန် ပစ်နေကြတာပါ။

မေး- ဘယ်ဘက်အားသာလဲ။
ဖြေ- အဲဒါတော့ ကျွန်တော်လည်း မသိပါဘူး။ ပစ်သံတွေကိုဘဲ ကြားနေရပါတယ်။

မေး- ရွာနားမှာ တိုက်ပွဲ ဖြစ်နေတော့ ရွာသားတွေရဲ့ အနေအထားက ဘယ်လိုရှိပါသလဲ။
ဖြေ- ရွာက လူတွေ ကြောက်ပြီး ထွက်ပြေးနေကြပါတယ်။ ယိုးတရုပ်ကို ထွက်ပြေးတာတို့၊ ကျောက်တော်ကို သွားတာတို့၊ အောက်ဘက်မှာဆိုရင် ပြင်လျားရှည်၊ မော်ရွာတို့ကို ထွက်ပြေးသွားကြပါတယ်။ ကလေးတွေ၊ မိန်းမတွေ အကုန်လုံးထွက်ပြေးနေကြပါတယ်။

မေး- ချောင်းတူမှာ အိမ်ခြေဘယ်လောက်ရှိပါသလဲ။
ဖြေ- ချောင်းတူမှာ အိမ်ခြေက ၂၅၀ ကျော်ရှိပါတယ်။ အကုန်လုံး ရခိုင်လူမျိုးတွေပါ။

မေး- ဆရာက အခုဘယ်ရောက်နေပါလဲ။
ဖြေ- အခု ကျွန်တော်က ရွာအောက်ဘက်ကို ရောက်နေပါတယ်။ ကားလမ်းနဲ့ ရွာက နီးနီးလေးမှာ ရှိပါတယ်။ ကားလမ်းဘေး ရွာအထက်က တောတန်းမှာ တိုက်ပွဲ ဖြစ်ပွားနေပါတယ်။

မေး- တိုက်ပွဲ အခုထက်ထိ ဖြစ်နေတယ်။
ဖြေ- အခုထက်ထိ တိုက်ပွဲ ဖြစ်နေပါတယ်။ 
(ပြီး)

Leave a Reply

Your email address will not be published. Required fields are marked *

Most Popular Right Now